TATA Nano EV కార్ – ఎలక్ట్రిక్‌ కార్‌ రీ ఎంట్రీ

TATA Nano EV కార్

TATA Nano EV కార్: ప్రస్తుతం మార్కెట్‌లో ఎలక్ట్రిక్ కార్ల (Electric Cars)కు డిమాండ్‌ పెరుగుతోంది. పెట్రోల్‌, డీజిల్‌ ఖర్చులను తగ్గించుకోవడంతో పాటు, వాయు కాలుష్యాన్ని తగ్గించే అవకాశం ఉండటంతో చాలా మంది ఎలక్ట్రిక్ వాహనాల వైపు మొగ్గు చూపుతున్నారు. ఈ క్రమంలో టాటా మోటార్స్ కూడా తన ఎలక్ట్రిక్ కార్లతో మార్కెట్లో దూసుకుపోతోంది. టాటా కార్లు అధునాతన భద్రతా ఫీచర్లతో లభించటం వల్ల వినియోగదారుల నుంచి మంచి స్పందన పొందుతున్నాయి. టాటా మోటార్స్ కూడా ఈ ట్రెండ్‌ను దృష్టిలో ఉంచుకుని, తక్కువ ధరలో ప్రీమియం ఫీచర్లతో కార్లను అందుబాటులోకి తీసుకొస్తోంది.

టాటా మోటార్స్‌ (TATA Motors) రతన్ టాటా గారి డ్రీమ్‌ ప్రాజెక్ట్ అయిన నానో కారును ఎలక్ట్రిక్ వెర్షన్‌లో విడుదల చేయనున్నట్లు చాలా కాలంగా వార్తలు వినిపిస్తున్నాయి. వాహన రంగంలో తనకంటూ ప్రత్యేక గుర్తింపు తెచ్చుకున్న టాటా మోటార్స్, 2025 నాటికి టాటా నానో EV కారును భారత మార్కెట్లోకి విడుదల చేయనుందని కార్ ప్రేమికులు ఆశిస్తున్నారు. కొంతమంది వర్గాల సమాచారం ప్రకారం, ఈ కారు ప్రాథమిక వేరియంట్ ధర సుమారు రూ. 2.5 లక్షల నుంచి రూ. 8 లక్షల మధ్య ఉండొచ్చని అంచనా. తక్కువ ధరలో మంచి ఫీచర్లు అందించేందుకు టాటా మోటార్స్ ప్రణాళికలు సిద్ధం చేస్తోంది. సిటీ డ్రైవింగ్‌ అవసరాలను దృష్టిలో పెట్టుకుని ప్రత్యేకంగా ఈ కారును డిజైన్ చేసినట్లు సమాచారం. స్టైల్, కంఫర్ట్ విషయంలో ఎలాంటి రాజీపడకుండా ఈ EV కారును మార్కెట్లోకి తీసుకురానున్నట్లు ప్రచారం జరుగుతోంది.

టాటా నానో EV కార్ ప్రత్యేకతలు

తాజా వార్తల ప్రకారం, టాటా నానో EV 17 kWh లిథియం-ఐయాన్ బ్యాటరీ ప్యాక్ తో వస్తున్నట్లు తెలుస్తోంది. ఫుల్‌ ఛార్జ్‌పై 312 కి.మీ వరకు ప్రయాణించే సామర్థ్యం ఈ కారుకు ఉంటుందని అంచనా. అత్యధికంగా గంటకు 80 కి.మీ వేగంతో నడిపించవచ్చని తెలుస్తోంది. మోడర్న్ ఎలక్ట్రిక్ టెక్నాలజీతో రూపొందించిన ఈ వాహనం, 0-100 కి.మీ వేగాన్ని కేవలం 10 సెకన్లలో అందుకోగలదని సమాచారం. ఈ వాహనాన్ని పూర్తి స్థాయిలో ఛార్జ్ చేసేందుకు సుమారు 6 నుంచి 8 గంటల సమయం పడుతుందని అంచనా.

ఈ కారులో విస్తృతమైన ఇంటీరియర్ స్పేస్ అందించబడినట్లు తెలుస్తోంది, దీని వల్ల నలుగురు ప్రయాణికులు సౌకర్యంగా కూర్చొనగలరు. కాంపాక్ట్ డిజైన్ తో లభించే ఈ కారు 3,164mm పొడవు, 1,750mm వెడల్పు, 2,230mm వీల్‌బేస్, 180mm గ్రౌండ్ క్లియరెన్స్ కలిగి ఉండనుంది. 7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, బ్లూటూత్, ఇంటర్నెట్ కనెక్టివిటీ, పవర్‌ఫుల్ 6- స్పీకర్ సౌండ్ సిస్టమ్, పవర్ స్టీరింగ్, పవర్ విండోస్ వంటి ప్రత్యేక ఫీచర్లు ఇందులో ఉండనున్నాయి. ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్ (EBD), యాంటీ-లాక్ బ్రేకింగ్ సిస్టమ్ (ABS), డ్యుయల్ ఫ్రంట్ ఎయిర్‌బ్యాగ్స్, రియర్ పార్కింగ్ సెన్సార్లు వంటి భద్రతా వ్యవస్థలు కూడా అందించబడతాయని సమాచారం.

టాటా నానో EV కార్ ప్రయోజనాలు

1. తక్కువ ఖర్చుతో ఎక్కువ ప్రయాణం – పెట్రోల్, డీజిల్ ఖర్చులను పూర్తిగా తొలగించే అవకాశం.
2. పర్యావరణహితమైన వాహనం – ఎలాంటి కాలుష్యం లేకుండా నడిచే ఎలక్ట్రిక్ వెహికల్.
3. సిటీ డ్రైవింగ్‌కి అనువైనది – కాంపాక్ట్ సైజ్‌తో ట్రాఫిక్‌లో సులభంగా నడిపే వీలుంటుంది.
4. లోకోస్ట్అవైలబిలిటీ – మధ్య తరగతి కుటుంబాలకు అందుబాటులో ఉండే ధర.
5. నిరంతర అభివృద్ధి – టాటా మోటార్స్ నిరంతరం తన టెక్నాలజీని అప్‌గ్రేడ్ చేస్తూ మార్కెట్లోకి తీసుకువస్తోంది.

అధికారిక ప్రకటన ఇంకా రావాల్సి ఉంది

టాటా మోటార్స్ ఇప్పటి వరకు టాటా నానో EV గురించి ఎలాంటి అధికారిక ప్రకటన చేయలేదు. కానీ, సోషల్ మీడియాలో మరియు ఆటోమొబైల్ పరిశ్రమలో ఈ కార్ విడుదలపై భారీ స్థాయిలో చర్చ జరుగుతోంది. 2025 నాటికి ఇది మార్కెట్లోకి వచ్చే అవకాశం ఉందని అనేక రిపోర్టులు సూచిస్తున్నాయి. ఒకవేళ ఈ వాహనం అధికారికంగా లాంచ్ అయితే, భారతదేశంలో అత్యంత చవకైన ఎలక్ట్రిక్ కార్ గా నిలుస్తుందనే అంచనా ఉంది.